عندي كلام\اريام

عندي كلام وخاطري لك أقوله ..
. وأبغيك تفهم مقصدي ياأريش العين

محدن جبرك ولكل شخصن ميوله ..
. وأثر الصراحه راحةٍ بين الأثنين

الحب أكبر من كلام نقوله .
.. وأكبر من أللي ينكتب بالدواوين

توك صغير تعيش سن الطفوله .
.. وين المحبه وأنت يا معذبي وين

عذرك أعرفه كل يومٍ تقوله .
.. آسف حبيبي قلتها بالملايين

أفهم ترى ولكل شي أصوله ..
. والحب له ناسٍ على العهد وافين

قررت أنا أبعد وأتركك بسهوله .
.. وأترك حياتن عشتها بين نارين

راعي المثل صادق ويا زين قوله ..
. ماتنجبر روحن على روح يازين